Ársskýrsla Samtaka fyrirtækja í sjávarútvegi má finna hér. Sú nýbreytni er að skýrslan er eingöngu á rafrænu formi og verður væntanlega svo hér eftir. Skýrslan er mun seinna á ferðinni en í venjulegu árferði og skýrist það einkum af því að ársfundi samtakanna, sem halda átti í vor, samhliða aðalfundi, var frestað til haustsins. Þegar fram á haustið kom blossaði COVID upp aftur og var því hefðbundinn ársfundur 2020 sleginn af. Þá fór einnig mikill tími og vinna í gerð samfélagsstefnu sjávarútvegsins.
Vonandi háttar betur til á ári komandi þannig að hægt verði að halda ársfund samhliða aðalfundi næsta vor. En í ljósi reynslunnar er óvarlegt að slá nokkru föstu í þeim efnum. Sem fyrr eru það starfsmenn SFS sem höfðu veg og vanda að skýrslunni, en henni er fylgt úr hlaði með ávarpi Jens Garðars Helgasonar, fráfarandi formanns samtakanna.
